الثلاثاء، أبريل 27، 2010
دعوة الى عدم التسامح!
عارف لما كلمة بحبك بدل ماتفرحك..تخللى الدموع تنط فعنيك؟! تفتكر موقف جميييل كنت هتطير م الفرحة وقت ماحصللك..تلاقى نفس الدموع بتنط نفس ذات النطه فعنيك؟!
متخيل لما تتمنى لاكتر حد حبيته واتمنيتله الخير..انه كان يموت اهون عليك م اللى عمله؟!!! ولا لما يكون مات بالنسبة لك فعلا رغم انه مازال حى يرزق يتنفس الصعداء بل وبيتنطط برضه بس تنطيط مختلف تماما عن اللى بتعمله فيك دموعك؟!
لما انغام قالت كل واحد يمشى حر..ليه نعيش فى عذاب ومر؟! الفراق جرح لحظة..والخيانة جرح عمـــــــر! اعتقد كل اللى سمع الاغنية دى فآخر البوماتها رشحها انها تكون من اقوى اغانى الالبوم دا
الكلام حلو وعجبنا كلنا لما سمعناه رغم ان كتير جدا..مش فاهمين قصدها من ان الفراق جرح لحظة والخيانة..جرح عمر!
لما اتنين لا بيهم ولا عليهم بيحبوا بعض..بيتخيلوا انهم اقوى من اى ظروف..وانهم هيتحدوا اى حاجة مهما كانت قوتها فى سبيل انهم يحافظوا على حلمهم ويكملوه ..ولما بيحصل وبيضطروا يعيشوا لحظة الفراق..بتبقى لحظة مؤلمة اه..صعبة جددا ااه! لكن اهى لحظة فى الاول وفى الاخر..!
عندهم من المواقف واللحظات الجميلة ما يكفى لان ترتسم ابتسامة حنين جميلة للحظات دى..اه فى شوية حزن بتسربوا للقلب لانهم ماقدروش يطولوا عمر اللحظات دى شوية..او لانها عدت وعمرهم ماهيقدروا يرجعوها..بس اهم ابتسموا!
بخلاف اللى داق المدعوقه الخيانة دى! مفيش موقف جميل ينط فى ذاكرته..الا ويفتكر معاه انه كان موقف مزيف! كان كدب! كان مضحوك عليه! فيلم ومفيهوش اى حاجة حقيقية!
بيفتكر مع الموقف دا الكلام اللى دخل قلبه طوالى من غير لا احم ولا داستور قال يعنى عشان خارج م القلب برضه..طلع لا خارج م القلب ولا حاجة! وانه كان بالصلاة ع النبى كدا تمثيل!!!!!
كل مايفتكر لحظة حلوة..بدل مايعمل زى الناس ويبتسم! يلاقى نفسه بيفتكر قد ايه هو كان مخدوع..بيفتكر القلم اللى خده ومكنش عامل حسابه!..بتصعب عليه نفسه ومش بعيد يعيط كل مايفتكر موقف حلو ولا كلمة حلوة صدقها على اساس انها م القلب!:))))))))))
شوف بقى اخينا دا عاش كم لحظة حلوة..كم ذكرى بتيجى فخيالة غصب عنه كانها بتطلعله لسانها وتقوله يا حماااااااااااااااااااار ضحكت عليك!!!!!!!!!!!
جرح عمر فعلا مش مجرد جرح "لحظة" الفراق !
اوعى تسامح حد كدب عليك..حد خانك! هتسامحه؟ عشان ترجعله و الشك مابيفارقكش؟! عشان تحول حياتكوا انتوا الاتنين لجحيم!!!! هترجع تآمن لحد مابتفهملوش امتى بيكون صادق وامتى بيمثل!!!
بلاها حب لو هى دى هتكون العيشة! لا دا فى الحالة دى بلاها جواز كمان!!,ما اصل لامؤاخذه يعنى اللى يخون مرة..يخون الف! ..واللى يكدب دا ممكن يعمل اى حاجة فى الدنيا!..ايه اللى هيخليه مايغلطش؟ خايف على صورته الحلوة ادام الناس اللى يهموه لا تتهز؟! لاماهم مش هيعرفوا!
اللى بيكدب دا ممكن يروح يزنى ويجى يقولك ماحصلش! يروح يقتل ويجى يقولك برئ يا بيه! ولما يتزنق..دا كان دفاع عن النفس! ويطلع نفسه بطل!!! ايه اللى هيمنعه م الخيانة مدام ضامن انه مش هيخسرك؟ او حتى يوم ما هتعرف هتسامحه!!!!!
اللى بيكدب دا حد استغل ثقتك فيه..واستغفلك!
اما الناس العبقرية اللى بتخون دى..بصراحة انا بحسدهم على قدرتهم العالية..اوى على التركيز..ماصل الخيانة دى محتاجة ناس صاحبة مواهب خاصة برضه!
عندى كلام كتير عايزه اقوله بس الامتحانات بقه..
واختم كلامى المره دى بدعوة من قلبى على كل ظالم ومفترى..روح يا شيخ ربنا يهدك!!!
متخيل لما تتمنى لاكتر حد حبيته واتمنيتله الخير..انه كان يموت اهون عليك م اللى عمله؟!!! ولا لما يكون مات بالنسبة لك فعلا رغم انه مازال حى يرزق يتنفس الصعداء بل وبيتنطط برضه بس تنطيط مختلف تماما عن اللى بتعمله فيك دموعك؟!
لما انغام قالت كل واحد يمشى حر..ليه نعيش فى عذاب ومر؟! الفراق جرح لحظة..والخيانة جرح عمـــــــر! اعتقد كل اللى سمع الاغنية دى فآخر البوماتها رشحها انها تكون من اقوى اغانى الالبوم دا
الكلام حلو وعجبنا كلنا لما سمعناه رغم ان كتير جدا..مش فاهمين قصدها من ان الفراق جرح لحظة والخيانة..جرح عمر!
لما اتنين لا بيهم ولا عليهم بيحبوا بعض..بيتخيلوا انهم اقوى من اى ظروف..وانهم هيتحدوا اى حاجة مهما كانت قوتها فى سبيل انهم يحافظوا على حلمهم ويكملوه ..ولما بيحصل وبيضطروا يعيشوا لحظة الفراق..بتبقى لحظة مؤلمة اه..صعبة جددا ااه! لكن اهى لحظة فى الاول وفى الاخر..!
عندهم من المواقف واللحظات الجميلة ما يكفى لان ترتسم ابتسامة حنين جميلة للحظات دى..اه فى شوية حزن بتسربوا للقلب لانهم ماقدروش يطولوا عمر اللحظات دى شوية..او لانها عدت وعمرهم ماهيقدروا يرجعوها..بس اهم ابتسموا!
بخلاف اللى داق المدعوقه الخيانة دى! مفيش موقف جميل ينط فى ذاكرته..الا ويفتكر معاه انه كان موقف مزيف! كان كدب! كان مضحوك عليه! فيلم ومفيهوش اى حاجة حقيقية!
بيفتكر مع الموقف دا الكلام اللى دخل قلبه طوالى من غير لا احم ولا داستور قال يعنى عشان خارج م القلب برضه..طلع لا خارج م القلب ولا حاجة! وانه كان بالصلاة ع النبى كدا تمثيل!!!!!
كل مايفتكر لحظة حلوة..بدل مايعمل زى الناس ويبتسم! يلاقى نفسه بيفتكر قد ايه هو كان مخدوع..بيفتكر القلم اللى خده ومكنش عامل حسابه!..بتصعب عليه نفسه ومش بعيد يعيط كل مايفتكر موقف حلو ولا كلمة حلوة صدقها على اساس انها م القلب!:))))))))))
شوف بقى اخينا دا عاش كم لحظة حلوة..كم ذكرى بتيجى فخيالة غصب عنه كانها بتطلعله لسانها وتقوله يا حماااااااااااااااااااار ضحكت عليك!!!!!!!!!!!
جرح عمر فعلا مش مجرد جرح "لحظة" الفراق !
اوعى تسامح حد كدب عليك..حد خانك! هتسامحه؟ عشان ترجعله و الشك مابيفارقكش؟! عشان تحول حياتكوا انتوا الاتنين لجحيم!!!! هترجع تآمن لحد مابتفهملوش امتى بيكون صادق وامتى بيمثل!!!
بلاها حب لو هى دى هتكون العيشة! لا دا فى الحالة دى بلاها جواز كمان!!,ما اصل لامؤاخذه يعنى اللى يخون مرة..يخون الف! ..واللى يكدب دا ممكن يعمل اى حاجة فى الدنيا!..ايه اللى هيخليه مايغلطش؟ خايف على صورته الحلوة ادام الناس اللى يهموه لا تتهز؟! لاماهم مش هيعرفوا!
اللى بيكدب دا ممكن يروح يزنى ويجى يقولك ماحصلش! يروح يقتل ويجى يقولك برئ يا بيه! ولما يتزنق..دا كان دفاع عن النفس! ويطلع نفسه بطل!!! ايه اللى هيمنعه م الخيانة مدام ضامن انه مش هيخسرك؟ او حتى يوم ما هتعرف هتسامحه!!!!!
اللى بيكدب دا حد استغل ثقتك فيه..واستغفلك!
اما الناس العبقرية اللى بتخون دى..بصراحة انا بحسدهم على قدرتهم العالية..اوى على التركيز..ماصل الخيانة دى محتاجة ناس صاحبة مواهب خاصة برضه!
عندى كلام كتير عايزه اقوله بس الامتحانات بقه..
واختم كلامى المره دى بدعوة من قلبى على كل ظالم ومفترى..روح يا شيخ ربنا يهدك!!!
الاشتراك في:
الرسائل (Atom)