ياااه بقالى كتير اوى مدخلتش البلوج مش عارفه ايه اللى كان شاغلنى مع انى ماوراييش غير النت!
امبارح اتكلمت مع ابن عمى هو شاب بيدرس فى الازهر هو من الناس اللى بيحافظو على اللحية والجلباب القصير والطقية كمان اوقات
كان مصمم يقنعنى ان تعدد الزوجات دا شئ نبيل وان اللى بيعمل كدا بياخد ثواب!
يا جماعه دا لسه خاطب وبيفكر يتجوز على خطيبته!
قعد يجيبلى فاحاديث وايات قرانيه بس كلها بتاكد انه برضه مش مستحب ..يعنى لما ربنا يقول وان خفتم الا تعدلوا..ولن تعدلوا.يبقى ايه؟!
مفيش دين سماوى واحد بيحلل انك تاذى حد حتى لو فمشاعره
انا مش قادرة افهم هما بيفكروا فى النساء اللى الرسول وصى عليهم وقال رفقا بالقوارير على انهم جوارى او بهايم كدا ازاى؟!
لو فكرتوا كدا فاى حاجة محرمة هتلاقو ان ربنا محرمها بسبب انها بتضر اللى بيعملها او غيره
انا مش قادرة افهم اكتر ناس فاهمه وقاريه فى الدين ازاى يحللوا اذية المشاعر بالطريقه دى..بجد حاجه تضايق اوى وتحير
يمكن اصدق انها حلال فحالة ان الزوجة تكون عاقر او نكديه مثلا منكدة عليه عشته وعلى طول خناق
لكن واحدة شايلة جوزها فعنيها يتجوز عليها ويعمل حجته اصلها ارمله محتاجة راجل حرام اما ادخل بيها الجنة؟!!!!!!!!!!!!
روح يا خويا اعمل صدقه جاريه هاتدخللك الجنة برضه!اما فراغة عين صحيح!
واحد قريبى راجل ماللى تحس لما تشوفهم كدا بالطيبة والوقار ..كان شعره ابيض كله بس تحس انه شباب رغم كبر سنه
كنت بحبه اوى وواخداه قدوة
مات الله يرحمه
وهما بيوزعوا التركه اكتشفوا ان كان متجوز على مراته
انا مش عارفه قدرت تترحم عليه ازاى بعد ماكتشفت خيانته ليها!والله ست بجد كانت حاطاه فعنيها ومربيا ولاده احسن تربيه
انا مش قادرة افهم ايه الخيانة المحلله دى!
ومش عارفه اقول ايه
خلص الكلام
لو تعدد الزوجات حلال فدا ليه اسباب وشروط
ردحذفوأهمها علم الزوجة والا زي ما قولتي يبقي غش وخيانة هيتحاسب عليها يوم القيامة لكن الرحمة مالهاش علاقة بالخيانة
وأذكروا محاسن موتاكم
بس ده مايمنعش ان الاحساس بالظلم موجود في قلبها بس لانتي ولا غيرك هيلاحظه ومين عارف ممكن تطلع احسن منه وتسامحه
أما قريبك اللي خاطب وبيفكر يتجوز علي خطيبته فده بعيد عن حلال وحرام
غير انساني بالمرة
وأكيد بدل هو تقي زي ما بتقولي ربنا هيهديه و يوقفله شيوخ وأساتذه في الدين يفهموه غلطه
موضوعك شيق ومجاله واسع
فأجبرني علي التعليق
تحياتي
تحياتى ليكى يا بسمة ..
ردحذفبجد اسلوبك مميز ويستحق التقدير والاعجاب ...
وواضح انك مشروع اديبة مميزة .... وبالتوفيق ان شاء الله ...
وهستأذنك لو تحيى نشر الموضوع ده فى مكان ممكان مميز انا اعمل به بلغينى غدا على اكثر تقدير
roufi
ردحذفمتشكرة اوى على تعليقك اللى نور البلوج
انا معاك فاللى قولته بجد حاجة تحرق الدم اهو ابن عمى عندى حتى اهو بس مايعرفش انى بتكلم عليه دلوقتى:D
بشكرك بجد على تشجيعك يا أ\ماجد
ردحذفوحلوة اوى تسمحى دى
المدونة كلها تحت امرك طبعا
ميرسى جدا على مرورك
اخى الفاضل .... ا ختى العزيزة
ردحذفوقفتنا الاحتجاجية تؤتى ثمارها
قام الزميل / خالد الصاوى بقيادة وقفتنا الاحتجاجية
*************** ( معا ضد الفساد ) ****************
يمكنكم التواصل معنا للمزيد .......
شكرا لكم دعمنا الدائم وفى انتظاركم ان شاء الله
هو مين اللى سرق البلوج بس يا خواننا!
ردحذفدانا لسه ميتدئه يعنى بدل ماتشجعونى؟!
الحمد لله الحرامى طلع ابن حلال ورجعهالى تانى!هههه
ردحذفانا معاكي طبعا يا بسمة في الكلام ده
ردحذفومعاكي في تسميتها خيانة مشروعة :)
للأسف الشديد الاعلام غسل دماغنا خالص
ردحذفحتى الاحكام الشرعية نسيناها وبقينا ناخدها من الموروث الاعلامي
عارفين ليه
الست دلوقتي لو جوزها زنى مع واحدة تانية اهون عليها من انه يتزوج واحدة تانية
بتسمي الزنى غلطة وندمان عليها
وتسمي الزواج خياااااااااااااااانة
مش معنى ده اني مع التعدد وخلاص
لكن في ظروف معينة
وتختلف من حالة لاخرى
خصوصا في ظل انتشار العنوسة
انتي مثلا وجاوبيني بصراحة مش بتعصب لرأي
لو خيروكي بين انك تفضلي من غير جواز طول عمرك
او انك تتجوزي راجل متزوج مرة مثلا بشرط انه يكون عادل ومحترم و و و وكل الصفات الكويسة
جاوبيني بصراحة
للاسف احنا بنصور اي واحد متعدد انه شهواني حيواني افعواني قاسي حواجبة طول النهار عاملة رقم سبعة
التعدد ياجماعة مباح لكن بشرووووووط
شوية هدوء ونقاش بالراحة علشان نفهم
مش نتأثر بموجة من الشرق او الغرب
لا بعقلنا وديننا احنا
بس خلاص
ابراهيم متشكرة جدا على تعليقك..
ردحذفبس على اى اساس بتقول بكل ثقه كدا ان الزوجة عندها الزنا اهون من انه يتجوز عليها!
بداية كدا احب اوضح ان الخيانة معناها مختلف عند الزوجة..الخيانة ممكن تكون بالنظرةوبالتفكير كمان!
فمش قصة جواز بقه ولا زنا كله زى بعضه
انا متفقه معاك طبعا فموضوع انه احيانا بيكون متاح فى بعض الحالات لكن بشررط ان الزوجة تكون عارفه..والا ساعتها يبقى باطل..
يعنى زنا..
يعنى خيانة!
ويكون لاسباب مقنعه فعلا مش تحت اسم الدين!على فكرة الحمد لله ديننا واضح جدا وربنا لما قال"ولن تعدلوا"هو اكيد ادرى مننا بالنفس البشرية.
عايزة اوضحلك بس انى الحمد لله مش من النوع اللى ممكن يتاثر بسهولة بوسائل الاعلام او من الناس اللى بتتاثر بالافكار الغربية كدا من غير تفكير!
لو كنت خدت بالك من اول موضوعين او اقدمهم هنا فى البلوج يمكن ماكنتش هاتقول كدا..
بالنسبة لسؤالك فانا بكل صراحة اهم حاجة عندى انى اكون حاسة بالرضا عن نفسى اللى اصله احساسى بان ربنا راضى عنى-ربنا ها؟-يعنى مش عشان ارضى المجتمع ومسمعش كلمة ياحررااام دى عانس! اروح اشارك واحدة تانية فى جوزها لا هى ولا انا هنبقى مرتاحين!ولا هو كمان على فكرة:D
وبعدين لو كان عنده كل الصفات الحلوة زى مابتقول مكنش هايبص لواحدة تانية غير مراته!ولا انت رأيك ايه؟
وساعتها هكون متأكده انه زى ماعمل كدا معاها ايه اللى هايمنعه من انه يعمل كدا معايا انا كمان!
بشكرك جدا على مرورك
يعني لما يتجوز في الحلال تسموها خيانة ولما يعمل علاقات غير مشروعة تقولوا عليها معلش اصلها نزوة و مسيره يرجع لبيته
ردحذفيا اختي ليه نحرم الحلال و نسميه بغير مسمياته و نفسر القرآن و الاحكام على هوانا الشخصي لمجرد ان احنا مش عايزين كده
ولو ربنا اشترط على الراجل شروط معينة للزواج من واحدة تانية فمعلوم ان الشرط الاساسي هو العدل و المقصود به العدل المادى :اي في المبيت و النفقة
و اما قوله ولن تستطيعوا ان تعدلوا ولو حرصتم فالمقصود به عدل المحبة القلبية اي العاطفة التي لا يتحكم فيها
و التي هي بيد الله وحده سبحانه و تعالى
وحاشا لله ان يقول يامرنا بالعدل بين الزوجات ثم يقول لن تعدلوا لأنه قد يخطئ البعض تفسيرها ويعتبرها تناقضا ووحاشا لله ان يتناقض كلامه و لكنه عندما اباح التعدد اشترط العدل المادي
اما العدل القلبي فهو الذي قصد به بقوله ولن تعدلوا لأن القلب لا يحب و يهوى الا واحدة
وكان الرسول صلى الله عليه وسلم يقول عن عدله بين نسائه :اللهم هذا قسمى فيما املك فلا تؤاخذني بم لا املك يقصد حبه للسيدة عائشة
وهاتي دليل واحد من القرآن والسنة يشترط أن تكون الزوجة مريضة او عاقرا أو اي شرط آخر من الشروط التي يتفننون في وضعها كي يسمح للزوج بالزواج على زوجته يسمي الله زواجا وميثاقا غليظا و تسموه انتم خيانة مشروعة وهل يعقل ان يشرع الله جل وعلا الخيانة حتى نسميها خيانة مشروعة ونسمى الحلال خيانة وكمان مشروعة
هذا الموضوع الفقهي ليس عرضة لمجرد الأهواء أو القبول والرفض لمجرد الهوى الشخصي ويحتاج منك اطلاع ودراسة واسعة من كافة جوانبه وليس مجرد ابداء الشخص لرأيه
أرجو منك السماح واعتذر ان صدر مني ما يعكر صفوك لكن احكام الشرع تحتاج الى تعلم عميق اطلاع واسع عليها
شكرا جزيلا لسعة الصدر
تحياتي
نايل تايجر
ردحذفانا نفسى افهم جبتو منين انى بسمى الزنا غلطة والجواز خيانة!
معاذا الله طبعا انا مابفسرش القران على مزاجى
بس الحاجة اللى متأكده منها ان من اهم شروط تعدد الزوجات انهم يكونوا على علم بدا! وهما احرار يوافقوا بقه يتطلقوا!
غير كدا يبقى الزواج دا باطل مدام الزوجة الاولى ماتعرفش!
ودى انا سمعتها بنفسى من احد شيوخ الازهر!
ومعنى انه باطل اصبح خيانة!
لكن جواز بقه ولا زنا مدام هما الاتنين بدون علم الزوجة ماعتقدش هاتختلف معايا لو قلتلك فى الحالتين هى خيانة!
انا بشكرك بجد على تعليقك وتنويرك للمدونة:D
بصراحة يا بوسى انا مش معاكى خالص فى موضوع ان لو زوج تزوج على مراته من غير ما تعرف تبقى خيانة هو اه لازم يقولها ولازم تكون عرفة بس مش معنى انه مقلهاش تبقى خيانة ده ممكن يكون حفاظ على مشاعرها بس كمان انا مع تعدد الزوجات عشان اسباب كتيرة اولهم ان عدد النساء فى اى مكان بيفوق عدد الرجال تقريبا اربع اضعاف ويمكن اكتر يعنى لو كل واحد اتجوز واحدة بس لمجرد انه مش عايز يجرح مشاعرها ده هيسبب ان 3\4 النساء هيعنسو ومحدش يرضى ده لا لاخته ولا لبنته ولا قريبته ولا لاى بنت فى الدنيا يبقى ليه ده كمان اللى هتساعد زوجها انه يتزوج مرة تانية او على الاقل متكونش معارضاه فى ده دى هتاخد ثواب كبير انها اتسببت فى ان بنت متتعرضش للعنس اللى منتشر دلوقتى جدا وبقى زى المرض تقريبا والله اعلى واعلم انا كام حد اقابله وتكون لسة بنت ووصلت لسن الثلاثينات يبقى ليه كل ده بس انا بوافق ده للرجالة المحترمة اللى عرفة دينها وبتعمل كدة لله مش زوغان عين وخلاص وكمان لازم يعدل بين زوجاته ويراعى ربنا فيهم وياريت يا بوسى تردى علية
ردحذفsad moon
ردحذفبصى يا قمر انا قولت بدون علم الزوجة تبقى خيانة استنادا لان الزواج بدون الشرط دا بيبقى باطل
يعنى زنا
يعنى خيانة..والكلام دا انا سمعته بنفسى من احد شيوخ الازهر.
يمكن لو الزوجه هى اللى اختارت الزوجة التانية يبقى الغرض من الزواج التانى دا خير فعلا
لكن لو الزوج هو اللى مختارها ومصمم عليها يبقى الموضوع مشكوك فيه والله اعلم بضمير كل حد مننا.
ميرسي جدا على مرورك:D