امبارح..كنت بدعى ان النت يرجع تانى عشان كان فاصل..ويارييييته مارجع
اول ما رجع فرحت قوى وفتحت الميل بتاعى,. اول مافتحته ابتدت واحدة صحبتى بحبها جدا تطلب منى ميل من عندى وبتسالنى عندى ميل غير اللى بكلمها عليه ولا لا
طب ليه تقوللى لازم ابعت رسالة ضرورى والميل بتاعى مش راضى يبعت اكيد فى حاجة غلط
بتلح بطريقه غريبة انا متعودتش انها تطلب منى حاجة اصلا فقولت هى مننا وعلينا وادتلها ايميل بالباس ورد
لاقتها بتقول لا مش راضى يفتح ممكن تدينى ايميلك دا؟ بالله عليكى حتى لو مفيش ثقه انا هديكى الباس ورد بتاعى لحد ماخلص!
قولتلها لا يابنتى طب خدى الميل دا واديتها ميل تانى غير الاساسى اللى كنت بكلمها عليه برضه
برضه تقوللى اقسم باللــــــــــه ماراضى يفتح!
خرجت من ميلى عشان اجرب الميلات اللى بتحلف انها مابتفتحش دى فتحوا معايا !
برضه مادتش خوانه وفتحت ميلى تانى واختنا عماله تتحايل وتتشنج لما اقولها طب ثوانى وتقولى هتدينى ايميلك ولا لا! كان زمانى بعت الرساله..طب اوكى ميرسى اوى!
انا قولت لنفسى دى لسه عامله معايا موقف جدعنه من يومين ومش عايزه ازعلها منى ..اكيد هى مش هتسرقنى انا عارفاها كويس!
وزى ال...ادتهولها!
بعدها لاقتها بعتالى دعوة فيديو! بقولها ادينى امارة انك انتى تقوللى امارة! طب خلاص انا هنا لما تتاكدى ان انا ابقى كلمينى!ساعتها دخلت كلمت واحد زميلنا احنا الاتنين بقول له هى ايميلها اتسرق امتى يقوللى من زمان! طب انا كدا اتسرقت يقوللى مش لوحدك اللى حصل معاكى كدا..بنات كتير غيرك انتى مش اول واحدة! وبعدها الميل فصل عشان فتح من مكان تانى ودى كانت اخر لحظة تجمعنى بايميلى..
طبعا انا ساعتها اتاكدت ..بس مش ان هى هى! لا ان انا اتنصب عليا نصبايه حلوة اوى
كدا 3 ايميلات وفيس بوكين يااااصلاااااة النـــــــــبى!
مابقاش حيلتى غير الياهو ولو كانت طولت معايا شويه كنت هاديهولها!
الغريبه ان دى اول مرة فحياتى ادى الباس ورد بتاعى لحد! دى امى بنفسها كانت بتتصل بيا مخصوص عشان تعرف الباس ورد للاب بتاعى عشان عمى محتاج يكلم اولاده المسافرين على الانترنت كنت اقولها بكل برود لا! واروح من الجامعه افتحهولها وارجع تانى! المهم ماحدش يعرف الباس ورد بتاعى!
ماقولكوش بقه الناس فرحت فيا قد ايه وخصوصا كل اللى كانوا هايموتوا ويعرفوا الباس ورد بتاعى وانا مرضاش!
انا! انا يحصل معايا كدا! وبمزاااجى اديلها كل الايميلات دى!انا!
انا بس عايزة افهم ليه؟ هما الناس دى بتستفاد ايه لما تعمل كدا! هو يعنى خلاص من صعوبة خطوات الميل النايس بقت تسرقه!طب حتى دى متعرفنيش! عايزة الميل بتاعى تعمل بيه ايه!
هو الناس بقت عايشة وكل هدفها فى الحياة ..هو الرخامة!
الله يعوض عليكي
ردحذفبس بصراحة انتي غلطانة
لانه واضح جدا من كلام صاحبتك " المزعومة " ان نيتها مش خير خالص
ولو كانت فعلا عاوزة تبعت ايميل من ايميل غريب كانت انشأت لها ايميل في 5 دقائق
والمثل الجمييييييييييل بيقول
حرص من صاحبك ولا تخونهوش
طبعا واضح خذي حذرك بس ما تفترضيش فيه الخيانة
للاسف الفئة دي من الناس المعقدة نفسيا منتشرة جدا
انا بعمل في شركة تصميم مواقع وكل كام يوم يتعمل قرصنة على موقع من مواقعنا ويعملولنا صداع على الفاضي
انا مش فاهمه ايه الناس المرضى دول والله يا ابراهيم
ردحذفحاجة تحرق الددمممممم!
والله دى اول مرة ادى الباس ورد لاى حد بس اعمل ايه مكتوبلى انها تكون اول واخر مرة!
ميرسى على تنويرك للبلوج
ايه ده ناس غتيته
ردحذفعلى فكره فى بنات كتير فعلا حصلها كده
عشان تتعلمى وربنا يعوض عليكى
بوسى انا هقولك كلمة متزعليش منها انتى غبية بصراحة وانتى اللى تحرقى الدم مش هية مهما كانت ومهما الحت مكنش المفروض تعملى كدة بس مش هنقول غير الحمد لله ومحدش بيتعلم بسهولة
ردحذفبصى لما يكون الموضوع دا عندى انى ادى الباس ورد بتاعى لحد فدا غباء
ردحذفواقدر ساعتها اقول ان دى تجربه عشان اتعلم منها انى مديش الباس ورد بتاعى لحد
لكن لما مرة واحده تحصل وفى المرة دى اتسرق
مش عارفه ليه افتكرت ساعتها حاجة سمعتها قبل كدا
ساعة القدر يعمى البصر
مش عارفه حصلت معاكى ولا لا
اوقات بتعملى حاجة غبية اوى من البديهيات بالنسبه لك انها متتعملش عشان ربنا عايز حاجة معينه تحصل
تصدقي عيب غليكي قوي يبقى عندك بلوج ومعرفوش :@
ردحذفالموضوع واضح انه قديم
بس الحكاية دي اتنشرت قوي
وانا كمان مش فاهمة السبب بصراحة بس اكيد هو رخامة وخلاص
المهم ابقي عرفينا انهو حساب في الفيس بوك اللي شغال عشان نمسح التانيين
كلميني عليه وايدي امارة D:
ههههههههههههههه
ردحذفاللى عليه صورة قطط دا المأسوف على شبابه القديم
وحشتينى يا رنا والله
انتي فضحتيها
ردحذفبس تستاهل
لا ما هو بياخد اميلات المسجلين عندك وبيسجل بالميل فى مواقع الرسايل المجانية و استخدامات اخرى كويس لن الارشيف بيقى على الجهاز مش الميل
ردحذففى لقاء داخل جامعة المنصورة يوم الاربع (الاربعاء القادم الموافق 28/4/2010)
فين؟؟
بمقر اتحاد الطلاب كلية التجارة . جامعة المنصورة أسفل مدرج المهدي . الساعه 12 ظهراً
للأستفسار : 0167894669