عايزة ابدأ حياة جديدة
نفسى مغلطش
لا فى حق نفسى ولا فحق حد
عايزه اقف وابص ورايا..واصلح كل الغطات اللى عملتها
مش عارفه اذا كنت هقدر ولا لاء
ومش عارفه هاقدر اشوف الغلطات دى ولا هفضل متمسكه برأيي انى كنت صح؟!
عايزة ارجع اطبطب على البنت الجميلة..اللى جريت وراها وانا صغيره وقعدت اقولها يا تخينه يا فشله يا مرات العسكرى.. وكانت هتعيط ساعتها..
عايزة اروح اعترف لماما ان انا اللى كنت بشخبط على النيش بقلم الكحل مش ريهام اختى زى ماكنت بقولها عشان اطلع انا منها وهى اللى تتعاقب..
عايزة ارجع طفلة تانى..عشان مقعدش ازعق لاختى لما تصرف مصروفى ومصروفها عشان تجيب حاجة اغلى واحلى..وماخدش منها الحاجات دى وارجعها تانى واحرجها..
كل مابغلط فحق حد او فى حق نفسى بندم اوى
وغالبا مابعرفش انام الا لما اصلح اللى عملته
وبتبقى مأساه بجد لو مقدرتش اعمل كدا..
لسه لحد دلوقتى فاكرة ايام طفولتى المشردة..لما كنت بنزل من البيت والم عيال الجيران مخصوص عشان ننزل نشوفلنا عيال تانية نتخانق معاهم!
هو انا كنت شريرة كدا ليه!
ايه الجبروت اللى انا كنت فيه دا؟!
دلوقتى انا كبرت
كنت متخيلة انى بقيت طيبة ولكن هيهات!:)))
ماهو انا مش هتظلم واقول الله يسامحك!!!
على رأى بنت م اللى كانوا اصحابى..أحيانا برد الصاع صاعين..ببقى مفترية
لحد ماقول كفاية كدا
وارجع تانى زى الاول ولا كان حاجة حصلت اصلا!
شكلى مش هتغير.. مهما الندم حرمنى من النوم
برجع اغلط تانى
ومش بعيد نفس الغلطة!
انا خايفه مالحقش احقق اللى عايشه عشانه
ومش عارفه هتنيل اغلط تانى اكتر من كدا ايه؟!
ما مستحيل يعنى هاعيش ملاك..
ومش عارفه ايه اللى قومنى من السرير عشان اكتب الكلام دا
ولا عارفه ايه اللى ودانى السرير من الساعة 10 اصلا! لازم يعنى اعمل سبع رجالة فبعض واروح جاlمعة حلوان وارجع منها كمان مشى!:))
ربنا يستر م اللى جاى..ادعولى..
نفسى مغلطش
لا فى حق نفسى ولا فحق حد
عايزه اقف وابص ورايا..واصلح كل الغطات اللى عملتها
مش عارفه اذا كنت هقدر ولا لاء
ومش عارفه هاقدر اشوف الغلطات دى ولا هفضل متمسكه برأيي انى كنت صح؟!
عايزة ارجع اطبطب على البنت الجميلة..اللى جريت وراها وانا صغيره وقعدت اقولها يا تخينه يا فشله يا مرات العسكرى.. وكانت هتعيط ساعتها..
عايزة اروح اعترف لماما ان انا اللى كنت بشخبط على النيش بقلم الكحل مش ريهام اختى زى ماكنت بقولها عشان اطلع انا منها وهى اللى تتعاقب..
عايزة ارجع طفلة تانى..عشان مقعدش ازعق لاختى لما تصرف مصروفى ومصروفها عشان تجيب حاجة اغلى واحلى..وماخدش منها الحاجات دى وارجعها تانى واحرجها..
كل مابغلط فحق حد او فى حق نفسى بندم اوى
وغالبا مابعرفش انام الا لما اصلح اللى عملته
وبتبقى مأساه بجد لو مقدرتش اعمل كدا..
لسه لحد دلوقتى فاكرة ايام طفولتى المشردة..لما كنت بنزل من البيت والم عيال الجيران مخصوص عشان ننزل نشوفلنا عيال تانية نتخانق معاهم!
هو انا كنت شريرة كدا ليه!
ايه الجبروت اللى انا كنت فيه دا؟!
دلوقتى انا كبرت
كنت متخيلة انى بقيت طيبة ولكن هيهات!:)))
ماهو انا مش هتظلم واقول الله يسامحك!!!
على رأى بنت م اللى كانوا اصحابى..أحيانا برد الصاع صاعين..ببقى مفترية
لحد ماقول كفاية كدا
وارجع تانى زى الاول ولا كان حاجة حصلت اصلا!
شكلى مش هتغير.. مهما الندم حرمنى من النوم
برجع اغلط تانى
ومش بعيد نفس الغلطة!
انا خايفه مالحقش احقق اللى عايشه عشانه
ومش عارفه هتنيل اغلط تانى اكتر من كدا ايه؟!
ما مستحيل يعنى هاعيش ملاك..
ومش عارفه ايه اللى قومنى من السرير عشان اكتب الكلام دا
ولا عارفه ايه اللى ودانى السرير من الساعة 10 اصلا! لازم يعنى اعمل سبع رجالة فبعض واروح جاlمعة حلوان وارجع منها كمان مشى!:))
ربنا يستر م اللى جاى..ادعولى..
mayestehaya2lesh en fe she2 momken yekaffar 3an elle ente 3amalteh dah:))))
ردحذفههههههههههههه دانا حتى مكتبتش كل حاجة
ردحذفدانا نقيت اكثر التصرفات براءه اثناء طفولتى المشردة!