الحج جوجل لو حد عايزه فحاجة

الثلاثاء، مارس 18، 2008

أولاد فيفى عبده

مخرج رائع لا يستطيع احد انكار موهبته الحقيقية فى فن الاخراج
خالد يوسف ..هذا المخرج العبقرى ولكن فى اظهار عيوب مجتمعنا ومجتمعه فى نفس الوقت-عيوب فقط-
لا يبالى بان العالم بأسره سيطلع على افلامه ولا يبالى ايضا بالاطفال الذين يشاهدون مايعرض امامهم من افلام كامله من المؤكد انها ستؤثر فى بناء وتشكيل فكرهم وشخصيتهم بشكل او باخر.

اخر قنبلة فجرها خالد يوسف من اعمال سينمائيه هو فيلم حين مسخرة...عفوا اقصد حين ميسرة

لا انكر ان الفيلم يناقش قضية هامة وهى قضية العشوائيات والفقر الذى اصبح مرتبطا باسم مصرنا الحبيبة وبعصرنا الذهبى هذا!
ولكن هناك ربط فى هذا الفيلم بين الفقر واى فعلا محرم من سرقه..ارهاب..تسول..واخيرا القضية التى لا يكاد اى فيلم من افلام هذا الموسم -حتى الكوميديه منها-من طرحها او التلميح اليها وهى قضية الشذوذ!
ماعلاقة الاخيرة هذة بالفقر والعشوائيات؟!

فى اوروبا والدول المتقدمة يمارس هذ الفعل ..هل معنى ذلك ان امريكا مثلا تعانى من الفقر؟
تشترك مع مصر فى هذة الظروف الصعبة القاتلة؟!
ماذا ستفعل اذا جاءت اليك ابنتك الصغيرة او ابنك الصغير يسالك عما يراه وما تفسيره؟وبم ستجاوبه؟
اعلم ان هناك من يلق بمسؤلية هؤلاء الاطفال على والديهم ويرى ان الاهل هم المتحكمون فيما يراه ابنائهم

الا ترى معى ان اطفال هذا الجيل-جيل الانترنت والبلوتوث-قادرون على ان يروا ما يريدون فى الوقت الذى يريدونه ايضا؟
هل تستطيع ان تراقب مايعرض على طفلك فى التليفزيون 24 ساعة وتختار مايعرض على طفلك؟
اذا كان لابد من عرض سلبيات المجتمع المصرى فاتمنى ان نراعى بان ليس كل من يشاهدها لديه الكفاءة العقليه التى تتيح له ان يستوعب ان هذه سلبيات يجب محاربتها لا لان ينتبه بان هناك سلبية جديدة ماعملهاش لسه!
طبعا انا لا اطالب بان ندفن راسنا فى الرمال كالنعام والا نحاول الالتفات الى سلبيات مجتمعنا,
ولكن اطالب بعرض ولو ايجابية واحدة فى مجتمعنا المصرى ليراها من يرون هذا الكم الهائل من السلبيات من عرب-غير مصريين-وغير عرب-ناهيك ان الفيلم تم عرضه فى اسرائيل وبالطبع هم فى قمة السعادة بوجود مثل هذة الافلام لدينا-هذا الكم من السلبيات والمشاكل التى تصور لكل من يراها مجتمعه فى فيلم واحد ان مصر وكانها عبارة عن هذة التصرفات والسلوكيات فقط ثم نتعجب حين يصفونا باولاد فيفى عبده وبالنصابين والحلنجيه وغيرها من الالقاب التى تسر القلب الحزين!
اذا كان المصريين نفسهم بيكرهوا بعض!والا فى رايك على ما يدل اطلاق هذا الكم الهائل من النكات على الصعايدة؟رغم معرفتنا جميعا بانهم هم جذور واصول المجتمع المصرى؟

مازال للموضوع بقية ولكنى لا اريد ان اضيع وقتك اكثر من هذا اصل الوقت ثمين..غالى يعنى..ماهو كل
حاجه غليت هاتيجى عليه يعنى!

هناك 15 تعليقًا:

  1. ولا شلاليت ولا حاجه يا كريم دا مجرد راى وانا مقصدش بالعنوان لفنانة فيفى عبده انا بقصد اننا ليه بنستغرب لما يقولوا علينا كده واحنا اللى مدينهم الصورة دى وشكرا على مرورك

    ردحذف
  2. بصى يابوسى غلط ان يوسف شاهين عرض كذا قضيه ف فيلم واحد

    وغلط انه ربط مشكله الشذوذ والشرب والادمان بالفقر لانه مش شرط يبقى الواحد فقير ومن عشوائيات يكون مدمن بل بالعكس معظم المدمنين من الطبقه العليا لانهم بيلاقوا فلوس يشتروا بيها

    وحكايه الالقاب الى طلعت على المصرين والصعايده دى محتاجه مناقشه تانيه لان الموضوع ده مش مرتبط بحكايه الافلام اوى ده من رائى وفى اسباب ودوافع اكتر هى الى ادت لكده

    ردحذف
  3. معاكى حق والله يا ايه بس الالقاب اللى طلعت على المصريين دى مرتبطه باعلامنا اللى اداهم الصورة دى عنا اما النكت اللى طلعت على الصعايده فده مش عارفه الحقيقه تفسيره ايه بس ماينفعش نزعل لما حد مايحترمناش طول ماحنا اصلا مش محترمين بعض يعنى,
    وثااانكس على مرورك

    ردحذف
  4. awl 7aga sorry eni bktb frnko law fi 7ad y3ni mesh hay3rf y2ra
    ana b2a btnakd m3aki ya bsma fi el anty ktbah bsra7a
    el 3shw2yat m3kl kol w ai 7aga
    mt7sbish nas mesh adrin y3mlo ai 7aga byt5n2o 3ala el gnih el 3nd nas tnia ygibo bih mndil
    tlba aih mn nas 3ashash gnb ba3d mafish 5sosya wala ai 7aga mafish amknyat llgwaz w dol bashr y3ni y3ni akid fih shzoz w fih adman w fih kol w ai 7aga tt5iliha

    lakn ana brfod en da yt3rd ka film w en di hya 7ytna bs
    w moshklt 5ald yosif w amsalo
    en hwa aslan mesh by3ml bel hwa shyfo
    y3ni keda mn 3ynt at2mron el nas bel br w tnson anfskm
    law hwa 3awz ysa3d bgd y7awel y3ml 7aga f3ala 3'yr eno ynbh el nas llarf da
    el film kolo over
    mshahd w alfaz w kol kol 7aga fih
    w kan momkn yt3ml btri2a aktr a7tram mn keda
    bs da tlmiz yousf shahin
    w la 3za2 lla7tram

    ردحذف
  5. بصى ياتوتا
    انا بعترف ان موضوع الفقر دا سبب فى كتير من البلاوى فاتت عليا دى مش
    عارفه ازاى ..بس البلاوى دى بتحصل سواء فى فقر او مفيش مع اختلاف ان الفقر بيخليها تقريبا اجبارى ماهو الجوع كافر برضه
    خالد يوسف مزودها اوى فى الفيلم,
    مصر ولادة وزى ماجابت ايناس الدغيدى جابت خالد يوسف ولسه ربنا يستر
    انا مش عارفه بعد عشر سنين كده ايه اللى ممكن يتعرض على شاشة السينما؟
    هو هيكون لسه فى سينما اصلا؟
    ثااانكس على مرووورك

    ردحذف
  6. أول ما شفت كلمة المخرج الرائع إضايقت قوي

    بس بعد ما كملت هديت شويه؛ اللي حضرتك مذكرتيهوش إن الدور اللي بيقضيه الإستاذ المخرج دور ممهد و مرسومه خطواته؛ و سبقه إليه كثيرين؛ في نشر كل المعاني اللا أخلاقيه في المجتمع عن طريق التخفي تحت ستار مواجهة الفساد؛ و فضحه

    و الحقيقه التي لا تقبل جدال؛ ان هذه الطريقه هي أكبر أسباب إنتشار الرذائل في المجتمع؛ كم أغنيه تحدثت عن الغدر و الخيانه؛ و لازال الخيانه تحدث

    كم فيلم و مسلسل ناقش قضية الإدمان؛ و أعداد مدوني المخدرات تتضاعف لا أقول من عام إلي عام و لكن من يوم إلي يوم

    كم فيلم نوه عن الجنس و التحرش؛ و الزواج العرفي

    و كلكم تعلمون حجم الزواج العرفي في الجامعات قد ايه النهارده

    لكن الأستاذ المخرج عنده هدف واضح؛ و هو أن يري المجتمع المنحل الذي يرنو إليه يوماً بعد يوم

    ردحذف
  7. طبعا هتقولي فقير لله ايه الاسم الديني ده وبيتابع مسلسلات قصدي افلام هو انا الصراحه متبعتهوش بس الحكايه اني سمعت قصته وشفت الحلقة بتاعة عمرو اديب معاه انا في شبرا عشوائيات طبيعي بس عمري مشفت مسخره موجوده بالشكل المصور في الفلم ولا هشوف الراجل ده كان بيصور فلم تاني بس هو مجمعش يعني لحد دلوقتي في فتوة هو اللي بيكون الريس بتاع الشارع وكده الفكره ده ماتت وبعدين احنا منكرش ممكن يكون موجود حالات جنسية وشذوذ في المجتمع بس مش بالكثافة ده هيا لو هتمثل متجيش 5 في المية ده اعلى نسبة ممكن هو يحلم اني احطهاله بس هل 5%دول على فرض يشيلوا 95% ربنا على الظالم واللى عاوز يشوه صورة مصر ومن قبله الباشا والدكتور هاله سرحان

    ردحذف
  8. مسلم
    هو دا بالظبط اللى انا عايزة اقوله وفى دماغى
    بيقعدوا يقولوا احنا بنحارب الفساد
    دول بيزودوه
    شكرا على مرورك

    ردحذف
  9. الفقير الى الله
    كلنا فقراء الى الله اصلا مش انت لوحدك واسمك حلو ونتشرف بوجوده فى المدونة
    خالد يوسف بيحب يركز ع السلبيات بس مش عارفه ليه
    نفسى يحط حاجة واحدة كويسه ويركز عليها كده
    بس عمرها ماحصلت فى افلامه
    شكرا على مرورك

    ردحذف
  10. احب اقول حاجه صغيرة وهي ان كل واحد فاسد يتمني ان يلاقي المجتمع كله فاسد وزي ما طبقة الممثلين والمخرجين فاسدة وبتشرب خمر ومخدرات وينتشر بينهم الزنا والشذوذ نفسهم في يوم يلاقوا المجتمع كله زيهم عشان محدش يقول انهم غلط وزي ما حسين فهمي قال ان المحجبة معاقة ده اكبر دليل لمحاربه الحجاب والدين والسينما اصلا هدفها الاول افساد الدين والمجتمع والدليل اول فيلم سينمائي عرض في مصر فاذا كان اول فيلم كده يبقي الباقي اسوأ حتي ولو كان فيلم اسلامي فانه دايما مليان بالاكاذيب وده اتعودنا عليه من اعلام الحكومه ككل حتي اذاعه القران الكريم فيها حاجات ضد الدين زي الاحتفال بالموالد ونشر عقيدة الصوفية الباطلة ولو ترجعوا بالتاريخ للخلف شوفوا مصر عانت قدايه من فكر الصوفية والفاطمية والشعراني وعلي وحيش وابحثوا عالنت لو مش مصدقين وللحوار بواقي

    ردحذف
  11. لا يا مصطفى بلاش تستخدم سياسة التعميم دى لان مش كل الطبقة دى كدا وكل مهنه فيها الكويس واللى معندوش ضمير وممكن تلاقيهم بيعملو كدا وهما مقتنعين انهم بكدا بيفيدوا المجتمع وبيزودوا من عدد مثقفية
    دا فى وجهة نظرهم دول بيصلحوا العالم وبيقدموا خدمة للوطن كمان
    ميرسى يا مصطفى على مرورك

    ردحذف
  12. بجد انا اسفة يا بوسى لعدم مشاركتى من البداية وانتى عارفة ليه بس مواضيع سخنة مووووووووووووت بجد ان شاء الله هتبقى صحفية ممتازة
    اولا \ انا معاكى ان افلام خالد يوسف مستفزة وان دى مش مصر دة جزء منها اه صحيح العشوائيات كترت فى بلدنا بس لسة فيه ناس قادرة تعيش بشرف وامانة ورضا والحمد لله واهى مستورة وفيه فى بعض افلامه افكار غلط زى انت عمرى مثلا احنا كلنا اتعاطفنا مع نيلى كريم وهانى سلامة وجينا مع منة شلبى مع انهاالمجنى عليها وهر اللى واقع عليها الجرم بس دى بقى سياسة اعلام ولا افكار لشبابنا عاوزين يزرعوها الله اعلم ويمكن يكون ليه وجهة نظر فى افلامه دى مش مفهومة
    ثانيا بقى عن الثانوية العامة فهى فعلا انتحار للى مش بيذاكر اقولك ما انا كنت فى ثانوية عامة وجربتها هى مووووت وتحديد مصير بس لو نظمتيها هتعرفى تمشى فيها صح فهمتى اقصد ايه انها على الاقل موادها مفهومة عن الثانوية العامة
    بس كدة كفاية وياريت اكون شاركت براى مفيد وميزعلش حد منى
    وشكراااااااا يا بوسى على الموقع اللذيذ دة والمواضيع الرائعة دى

    ردحذف
  13. انا مش عارفه انتى مين بس اكيد ايمان
    ميرسى جددا جدا على تشجيعك وذوقك وانا معاكى فى اللى قلتيه و والله حاولت افهم وجهة نظره فى كده ومش قادرة اللى يعرف يقوللى
    والثانوية العامة غضااااارة زيها زى الكميا والله اه لكل مجتهد نصيب واللى بيذاكر مش زى اللى بيذاكر بس هما السنة دى مبالاغين اوى فى موضوع صعوبة الاسئلة بجد حرام كده وهما قاصدينها على فكرة وسياستهم دى هتنجح قريب وربنا يستر
    ثاانكس على مرورك

    ردحذف
  14. متهيالى انى خالد يوسف كان عايز يوصل انى الفقر والجهل بيوصلوا لاقصى انحطاط فكرى وخلقى ونفسى
    طبعا الصورة اللى اتعرض بيها الفلم ما ينفعش تنزل تعرض على اسره مصريه
    كان ممكن يتم الفلم بصوره محترمه عن كده

    ردحذف
  15. عمرو
    ايوه انا معاك فى الموضوع دا
    الفيلم كان هاينجح من غير دا كله

    ردحذف