الأحد، أغسطس 15، 2010
فخورة بانى ناقصة عقل..ودين!
لكل اللى بيرددوا الحديث دا كنوع من التعالى على المرأه اواهانتها
لو مكانتش المرأه ناقصة عقل وماكانش جانب العاطفة عندها بيغلب جانب العقل
مكنتش هتلاقى مجنونة واحدة تقبل انها تحمل فيك9 اشهر وانت كاااتم على نفسها وموريها الويل وتتحمل كل الاااام الولاااادة عشان طفل هى ولا تعرفه اصلا!ّ مكنتش هتلاقى واحدة مجنونة تستحمل كل العذاب دا عشان بس سيادتك تشرف॥وتشوف النور!!
مكنتش هتلاقى مجنونة بعد ماتشوف الويل فتربيتك تفضل لاخر لحظة فعمرها على اتم الاستعداد انها تضحى بعمرها عشانك!
ممكن تضحى باى حاجة علشانك! اى عاقل ممكن يعمل كدا؟!
عمرك شوفت راجل يقدر يتحمل كل دا عشان حد حتى ماشافهوش!! -زى مانتوا عارفين الراجل مابيحسش انه اب قبل ما ابنه او بنته بتعلم الكلام..ينطق ويقوله بابا! ايوه انت يا بابا اقصدك انت!!ساعتها بس يبتدى يستوعب!
-بخلاف الست طبعا اللى غريزة الامومة عندها بتشتغل من اول اسبوع حمل!
نرجع لموضوعنا.. ليه مستحيل تصادف راجل يقدر يتحمل كل دا عشانك؟ ببساطة عشان راجل..عشان "عاقل"!!!
من الاخر..
ان تكون المرأه لديها من العواطف ما يؤهلها لان تكون ناقصة عقل! فهذا من مصلحتك॥ تستطيع ان تفعل ما لا تسطيعه انت! تستطيع ان تتحمل من الالام "من اجلك" ما لا تستطيع انت ان تتحمله حتى ولو كنت مقيم بالجيم!!
بخصوص نقصان الدين... الموضوع مش محتاج اوضح ان لولا انها "ناقصة دييين" مكنتش هتبقى مشرف دلوقتى وبتقرا البوست دا॥مكنتش هتلاقى اللى يحمل فيك اصلا!!
فياريت نهدى كدا وبلاش استفذااااذ:@
الاشتراك في:
تعليقات الرسالة (Atom)
يسلم فمك
ردحذفمش عارفه الي بيقبل يقول علي المرأه ناقصه عقل ودين ده اييييه
طب ماهي امه امرأه و اخته و بنته مستقبلا ماهي الا مرأه...
والي يغيظ ان الكلمه في بقهم زي اللبانه و بتستخدم في التقليل من شان اراء الستات من غير مايفهموا المعني الحقيقي المقصود وراء الجمله
ركن العقل ووضعه في كرتونه بيعمل اكتر من كده وحياتك :))))
الحديث أصلا ذكر الجانب ده بصفته شئ خارج عن ارادة المرأة ، يعني عاطفة المراة دي سلاح ذو حدين و كل مخلوق فيه الكويس و الوحش ، يعني اللي بيحرف في معني الحديث ده هوا اللي هايشيل الوزر ، و كل واحد طبعا يبص لعيوبه قبل ما يتكلم علي عيوب غيره...
ردحذفبس شكلك متدايقة أوي كأنك صادفتي موقف أثار حفيظتك تجاه النقطة دي :) ربنا يبعد عنك الاستفزاز و المستفزين :) :)
موضوع جااااااامد موت احيكي بجد عليه
ردحذفالكلام جه في عيني ... اي اي اتعورت ... ينفع كدة
ردحذفوالله يا بسمة انا هادي ومستفزتكيش
ولايك اوووووي للبوست بتاعك
دخل دماغي عن جد
كلامك كلة مضبوط مية في المية
ومعنديش اعتراض علي اي كلمة فيه الا اخر سطر بس
تسلم ايديكي يا ناقصة العقل :p
انا مبستفزكيش اهو
لولتى:D
ردحذفمقدرة حرقة دمك يا حبيبتى ماتقريبا اللى انتى بتتعاملى معاهم هما هما نفس اللى بتعامل معاهم وفنفس ذات التوقيت كمان:D
حتى احيانا كتيره بيكون لنا نفس ذات رد الفعل:D
هههههههههه لو بعدهم عنى لا هلاقى حاجة اكتبها
ردحذفولا هلاقى حد يعلقلى عليها!;))))
معظم اللى بيرددوا الحديث دا مش فاهمين انهم فاهمينه غلط
دول بيقولوه عن اقتناع اننا مخلوقات ناقصة واقل منهم!
داهية تجيب وتحط عليهم! ,وفى منهم بيقوله لمجرد الاستفزاز زى ما الاستاذ محمود عمل النهارده واهى جت على دماغه:)))
منور:D
مبسوطه انه عجبك يا هبة
ردحذفاحنا بنتعلم منك اصلا;)
يا محمووود يا انننوووور بلااااش انت احسنلللك!:@:@:@:@
ردحذفوميرسى على الايك:$:)))
السلام عليكم ورحمه اله وبركاته
ردحذفهذا الحديث لا يقلل من شان المراة
هذا الحديث اعجاز علمى كما سمعت من احد الدعاه الجدد المتعلمين
وهو يقول لقد اثبت علما باان الرجل له القدرة على التحمل اكثر من المراءة
2. ان الرجل له القدرة على الحفظ بسرعه اكثر من المراءة
اما نقص الدين
يعنى ان الرجل لا يوجد له عذر لترك الصلاة او الصوم ولكن المراءة لها عذر وهو الحيض او الحمل او ماشابه
فهذا هو الموضع
اهلا بيك يا بلال منور البلوج:D
ردحذفبس انهى علم دا اللى اثبت ان الراجل يقدر يتحمل اكتر من المرأة؟!!!
سيبك من الداعية..انت مقتنع بان الراجل يقدر يتحمل اللى المرأة تقدر تتحمله؟!
نقصان الدين دا لو مكانش موجود مكانتش المرأه هتقدر تبقى حامل
مكنتش هتبقى انت موجود دلوقتى:D
هههههههههه والله والله ثلاث مرات البوست دا فله عسل يسلم ثمك يا بسمة وربي ما يحرمك من البسمة يارب
ردحذفكدا افحمتيهم ايه شايفين حالهم علينا دايما مش عارفة ليه ؟!! مع انه دايما احنا الاذكياء والاوائل بكل حاجة ( الكلام دا لبلال يلي علق قبلي ) وعلى فكرة مثل ما قلتي دا الرجل ما يستحملش شيء هههههه اذا انجرح باصبعة بروح لمراته بيعملها قصة هههههه مو مثل المرأة دايما تتحمل الله يكون بعونها وعلى فكرة سبحان الله اليوم بكلم ماماتي على السحور بالكلام دا هي بتقول لي الله يكون بعونهم الرجال دايما بيشتغلو ( يا حبيبتي حنينه ) قلت لها ليه هم ايه وظيفتهم بالحياة الا العمل خليهم يشتغلوا هم ما بيعملوش نص يلي بنعمله دا الست تحمل وتخلف وكل شهر بتموت من الانسة ^^ وبعد كدا تربي وتتطبخ وتتعب وتنهان وتطلع تشتغل وكل دا يا عيني المرأة عندهم قليلة لا احنا هنعمل يا بسمة حملة ضد ادم ههههههه والله جننونا شايفين حالكم علينا ليه ؟!
هههههههههههههههههههههههههههههههه
ردحذفاهلييييييييييين بكل اهل الشاااام ولبنان
نورتينى يا حنين بجد وتعليقك ضحكنى جددددا
وسلامى لماما:*
النور نورك قلبي
ردحذفالله يسعدك ويديم الضحكة علينا وعليك ^_* >طماعة هههههه
اهلين فيك قلبي ربي يسعد قلبك ئلبك هههههه
ماماتي وصل لها السلام , يا قمر شكلي انا بجد مضحكتك ههههههه من كلمة جددددددا ههههه الله يسعدك يارب
ماشاء الله عليك امورة يا بسمة الله يخليك لاهلك ^* او لزوجك هههههه << ما تحكميش لاني ما اعرفش تاريخك ^^
woooow awel marra asma3 el ta7lel el 3abkary dah lemawdo3 nakesat 3akl de........i'm impressed
ردحذفهههههههههههه اه والله ضحكتينى يا حنيين بحب الاسم دا جدا على فكرة
ردحذفالصورة دى من تلت سنين ايام البراءه..انا دلوقتى بقيت متوحشه:)))))
وحياتك ولا ماشيه مع حد حتى :))))))
منور البلوج ياhercules
ردحذفماهو الاستفذاذ يخللى اى حد يفكر:D